Успехот и не е така далеку ако веруваш во него

Ова се зборовите кои b watch ги проткајува раскажувајќи ја својата 101 годишна историја.

Да се опстои толкав низ години е предизвикувачки, но ништо не е невозможно ако го имаш вистинскиот тим покрај себе.

Кога веќе го спомнавме тимот на b watch, тоа е збир од прекрасни, испреплетени приказни, но сите нас нѐ спојува љубовта и пасијата кон онаа машина која отчукува и ги одбројува најбитните моменти во нашите животи, часовниците.

Денес, како што расте b watch така се проширува и нашето семејство, како и можностите за успешни кариери. Секогаш се стремиме кон заеднички раст, па затоа овој пат сакаме да ја споделиме успешната приказна на Мирела. Таа е нашиот нов store менаџер, па ред е да ѝ поставивме и неколку прашања 😀

Најпрво нѐ интересираше како нѐ пронајде, кога и како дозна за нас.. И зошто се одлучи да биде дел баш од нашиот тим?

Мирела: Мојата кариера тука започнува пред точно една година и 5 месеци. Бев запознаена со работењето и дејноста на b watch бидејќи често поминував пред продажниот салон во Градскиот Трговски Центар. Ми се допадна како изгледа салонот, се беше убаво изложено, вработените носеа убави униформи – може да се каже дека професионалноста и пријатната атмосфера беа доволни причини да аплицирам.

Ние бевме љубопитни, па сакавме да ja прашаме која ѝ е омилената случка во досегашното работење?

Мирела: Дефинитивно тоа е една продажба која ќе ми остане во сеќавање долго време. Сите знаеме дека на овој или оној начин, пандемијата со вирусот ни влијаеше на сите, продажбите беа ограничени, но пред еден клиент успеав да го испрезентирам часовникот Ситизен – промастер со сите негови функции и карактеристики, не ми се веруваше дека господинот го купи часовникот веднаш.

Да се биде продажен асистент не е секогаш лесно како што изгледа, но на секоја работна позиција има нешто што нѐ исполнува. Што е за Мирела тоа?

Мирела: Не можам да одвојам ништо како омилен дел, бидејќи си ја сакам работата и сето тоа го сработувам со внимание и љубов. Но кога веќе морам да издвојам нешто, омилени ми се продажбите кога клиентите одбираат часовници за подарок, па се двоумат, бараат мислење или сугестија, мило ми е кога гледам дека некој се труди да израдува некој што им е битен 😀

Ја прашавме Мирела, како е да се биде вработен во b watch и кои карактеристики се потребни за да се биде успешен во продажбата?

Мирела: Да се биде дел од b watch е супер, сепак станува збор за звучен бренд кој во секое време ги слуша потребите на вработените. Колегијалноста е многу битна во овој семеен бизнис, што навистина ми остави позитивен впечаток.
Карактеристикa коja ja сметам како значајнa за продажните асистенти пред се  треба да се одговорни работници. Кои умеат да бидат речити, комуникативни и  претставителни. Треба да ја сакаш работата со луѓе, и понекогаш трпеливоста е исто клучна, особено кога клиентите не се одлучни 😀

Дали очекуваше дека ќе бидеш дел од b watch и каде се гледаш во иднина?

Мирела: Искрено, на почетокот се надевав – но не очекував дека ќе бидам дел од b watch. Kога веќе сум тука, во иднина очекувам уште поуспешна кариера, да се чувствувам исполнето и среќно од работата.

Enter banner text hereButton Text

Кога веќе се имаш запознаено нашите брендови, кој е твојот фаворит и омилен часовник?

Мирела: Има многу часовници кои ми се допаѓаат, но ако мора да се одлучам за еден модел и бренд тоа е дефинитивно Обаку. Обаку создаваат елегантни часовници, кои имаат минималистички изглед и никогаш нема да бидат out во светот на модата, а совршено ќе го надополнат сечиј стајлинг.

За крај, што ти има оставено впечаток при работењето во b watch и кои часовници би ни ги препорачала за летната сезона што ни претстои?

Мирела: Најинтерен факт кој го научив при работењето во b watch е за Ситизен часовниците. Eco-Drive технологијата, тука немаме батерии за кои мора да се грижиме, туку само акомулатор кој се полни и работи на светлина.
А за ова лето, би ви препорачала часовници со ведри и смели бои кои ќе се истакнуваат, а за спортистите би ги спомнала Smart часовниците на Strand by Obaku.

Ние ѝ благодариме на Мирела за одвоеното време, а ти благодариме и тебе што нѐ читаш, доколку си заинтересиран да бидеш дел од нашиот тим, те очекуваме!