Водич за подароци

Во сезоната за подароци по повод Денот на Вљубените, тимот на bwatch ви спреми неколку предлози кои би можело да бидат совршениот подарок за вашите партнери.

Совршениот подарок за него.

За почеток го имаме еден од најбараниот модел од луксузниот бренд Hugo Boss. Се работи за безвременскиот хронограф кој што е најпосакуван од љубителите на navy blue. Кожно ремче изработено од најквалитетна кожа, како и темно синиот дисплеј даваат чувство на елеганција и софистицираност. Овој модел може да се искомбинира со различни стилови, почнувајќи од спортски евенти до деловни стајлинзи.  Овој часовник е за современиот маж кој знае како да ужива во луксузот, има познавање на трендовите и модата, за мажи кои се сметаат за трендсетери. Овој часовник е совршениот подарок за него.

За љубителите на звучните брендови го имаме винтиџ часовникот од добро познатиот италијански бренд Armani. Овој модел е препознатлив по минералното стакло кое има сверичен облик. Часовникот е целосно сив со кожно ремче, сива позадина и впечатлива портокалова стоперка. Уникатен авијатичарски модел со кафен прстен. Одличен безвременски подарок за мажи кои ја сакаат едноставноста и елеганцијата.

Последниот модел “За него“ е часовникот од шпанскиот бренд Festina. Фестина е поим за квалитет и традиција. Нашиот предлог е машки мултихенд часовник изработен од медицински и некорозирачки челик. Овој модел е за мажи кои го сакаат квалитетот. Вистински избор за секојдневен часовник кој привлекува внимание, а воедно може да се искомбинира со сите комбинации.

За неа имаме три предлози кои би биле совршен подарок.

Најпрво го имаме Santa Barbara, часовник за сите девојки кои се вљубени во месечината. Овој модел ги покажува фазите на месечината. Rose Gold часовник кој е вистински фаворит на многу девојки. Комбинацијата од бронзено ремче, бројчаник и бела позадина е вистински погодок кој дозволува ова парче да се носи во различни комбинации и за различни настани. Прстенот на часовникот има циркони кои дополнително го прават часовникот да изгледа полуксузно и елегантно.

Белата боја се смета за боја на совршенството, отсекогаш била симбол за свежина, како и за новите почетоци. За сите девојки кои ја сакаат белата боја го имаме овој часовник од Lotus. Овој модел има бело кожно ремче и бела позадина. На самиот дисплеј е прикажано дрво, како симбол на животот а околу него има сваровски кристали. Бронзената стрелка и круна даваат потопли ноти, кои дозволуваат овој модел да се носи на различни бои 😀

За жените кои го сакаат максимумот од својот часовник го имаме овој модел од Festina. Атрактивен женски модел кој е препознатлив по совршената комбинација од сребрено ремче и црна позадина. Овој часовник има надворешни циркони и впечатливи римски бројки, препознатлив е по поголемиот дијаметар од 37мм. Првиот избор за жени кои се чувствуваат  моќно и сакаат да го имаат успехот во раце.